اقرب الناس

[مظلوم نت]

القصيده :اقرب الناس

بمشي على درب له الناس يسعون
واصد عن درب الدجي والعتامة
وبقصر اليسرة عن الضيم والهون
وطلق يميني للصخا والكرامة
وبحترم نفسي وانا شخص ممنون
ومن يحترم نفسة وجوب احترامه
ماني من اللي في ذرى الحيط يمشون
ولامن اللي معتلي في مقامه
متواضع وأمشي على الحق بالهون
متوسط المعرفة والشهامة
ولي مجلس دايم له الناس يلفون
شرعت بابه والدلال العلامه
مايفتح الا فيه الاجواد يدنون
ويالله عسى اللي يقرب للسلامه
هذا طريقي وكثر الناس يدرون
صديت عن درب حلاله حرامه
ميزت ربعي بين عاقل ومجنون
واكشف بليد المنفعة من سلامه
واهل المصالح لو على يوم يبنون
في يوم ثاني يرغبون الهدامه
واهل الحكي لو لك عن الناس يحكون
بيجيك يوم ويقصدك في كلامه
لاصار سيفة لاقرب الناس مسنون
يضرب رفيقة وان اقوى في عضامه
ناس مع الكلمة يروحون ويجون
بس المصيبة يدعون الفهامه
ولانيب ديان ولانيب مديون
ولا بغيت من الهروج الملامه
ولاطلبت من المخاليق يبكون
ولا بغيت من الحزين ابتسامه
بمشي بدربي واترك الناس يمشون
كلن على كيفه رقى كل هامه
ولا صرت انا من راعي الطيب مطعون
ابيستوي قرب الرفيق وعدامه
وأن خاب ضني بأقرب الناس وشلون
بعطيك ضني يارفيق الندامه



بقلم : حامد زيد

[ندووو]

شـكــ وبارك الله فيك ـــرا لك ... لك مني أجمل تحية .

[مج ـنونة حامـد]

واهل المصالح لو على يوم يبنون ???? في يوم ثاني يرغبون الهدامه

صح ـح ـح لسان شااعرنـــا المبدـع ـع

وصح لساااااااان ناقلهــــــــا ..

قصيــــــــــد في قمــــــــــة الروووعـهـ والجمـــاال

يدل ع الذائقـــ’ الجميلــة التي بداخلكــ

يع ـطيك الف عافيــــــــــة ..

وتسلــــــــــم يمناـاـاك من كوـول شرـرـر

وعساـاـاك ع القوـوـوـوة دوـوـوم

ولا ننح ـــرـرم من جديــــــدك ..

تح ـياتي :

مج ـنونـــة حــامد