طلقني و آخذ غيرك

[أحلامي]

http://www3.0zz0.com/2008/03/24/14/691503681.gif
الطلاق صار علج بحلوج الحريم هالأيام
لدرجة أغلب قعدات الحريم صارت
" خله يتزوج علي إذا فيه خير و الله أخليه و أرد بيت أهلي معززة و مكرمة و عياله أعقهم عليه خله يوريني شطارته "

شو سالفة الحريم ؟!
ليش الضنا ما صار له قيمة و بكل سهولة ترميه على الزوج إذا تزوج عليها أو طلقها
كيف يهون عليها هي بصوب و ضناها بصوب ؟!


بالنسبة لي أشوف المشكلة إن الحريم شافن الزواج عبارة عن ورقة بس
عقد و فسخ العقد
هاي هي المشكلة
نسن إن الزواج أكبر عن جيه

http://www3.0zz0.com/2008/03/24/14/778133335.gif

الله سبحانه لما يقرر إن ثنين يتزوجون يتوقع منهم يساعدون بعض على طاعته و يعينون بعض على تجنب الحرام و طبعا التكاثر بالحلال

لهالسبب الطلاق أبغض الحلال
لأن الطلاق دليل فشل هالزوجين باختيار الله سبحانه لهم
و الله سبحانه ما كان بيكتب لهم يكونون مع بعض من البداية إذا ما كانوا مناسبين بعض و هو عارف بعلم الغيب إنهم ممكن ينجحون بهالزواج

لما يصير الخلل بطرف واحد و تصير استحالة على الطرف الثاني الاستمرار بالحياة بشكل عام و لما يأدي هالجحيم للشك بالله سبحانه و بالقضا و القدر
هنا بس يتحقق شرط الطلاق و ممكن يصير و مع ذلك يظل أبغض الحلال

الزواج من وحدة ثانية هذا مش سبب يرضي الله سبحانه إن المرا تطلب الطلاق أو تهجر زوجها و ترد بيت أهلها

على الرغم من قسوة هالشي و لا أي حرمة ترضاه على نفسها
ولا حتى أنا على هالكلام اللي قاعدة أكتبه
بس الشرع و الدين و الله سبحانه قبلهم لا يمكن يرضون بهالشي عسبة زواج مرة ثانية حتى لو ما كان عنده السبب الشرعي اللي يعطيه الحق بالزواج


خلها تحتسب ربها
خلها تتخيل لو كان أبوها متزوج ثانية كانت بتكرهه و بتقطعه ؟!
أكيد لا و هو متزوج على أمها اللي هي أقرب لها من نفسها
فما بالكم بالزوج اللي أقرب الناس للمرا بعد الله سبحانه


نصيحة اتقن الله
و خل عنكن سوالف المسلسلات و الأفلام
البلا يطيح بأشكال و أنواع
و الله سبحانه يتوقع منكن إن تكونن قد هالبلا و تفوزن باللي أكبر عن الزوج و هالدنيا هاي كلها
برضا ربكن عليكن
و سلامتكم


http://www3.0zz0.com/2008/03/24/14/175601763.gif